دخلت عالم المونتاج، وجالك أول عميل؟
أو بتبني البورتفوليو ومش عارف تبدأ منين؟
.إحنا عارفين إن البداية مربكة؛ بس مع الخطوات دي -إن شاء الله- هتلاقي الموضوع أسهل مما تتخيل.
هنبدأ معاك في سلسلة المقالات دي، مراحل العمل خطوة بخطوة.
• المرحلة الأولى:
1- اسمع قبل أن تتكلم:
استلمت طلب من أول عميل؟ ده إنجاز كبير، تهانينا!
في المرحلة دي مهم جدًا إنك تسمع قبل ما تتكلم
افهم طلب العميل كويس جدًا.
اسأله في البداية عن طلبه بوضوح، اطلب ريفرنس.
اطلب التفاصيل زي الهوية واللوجو.
اعرف لو في مادة معينة بيستخدموها؛ خلفية صوتية، قالب معين، أو حتى ألوان مفضلة.
متتحرجش تسأل عن التفاصيل؛ لكن لازم تنتبه لنقطة مهمة:
اسأل عن التفاصيل الخاصة بالعميل فقط؛ احذر تسأل سؤال إجابته عندك انت!
جمع أسئلتك بشكل واضح ومختصر في البداية، وتوكل على الله وابدأ العمل.
2- مصادرك الخاصة:
.لو العميل له صفحة عامة؛ اعمل بحثك الخاص
تصفح الفيديوهات الرائجة؛ لكن طبعًا بدون ما ننسى الالتزام بالريفرنس.
تصفح التعليقات ونوعية وشرائح المشاهدين.
ممكن في صفحة العميل تلاقي ملاحظات تساعدك أكتر في توضيح طلبه.
كل ده بيساعدك تكوّن فكرة واضحة عن العمل المطلوب، ويخليك تقدر -إن شاء الله- تنفذ فيديو مرضي للعميل.
عرفنا ازاي تفهم العميل؛ دلوقتي نبدأ نجهز المقطع.
• المرحلة الثانية:
من هنا هنبدأ الشغل؛ أول خطوات تجهيز الريل أو الفيديو الاحترافي.
وهنبدأ بالريلز لأنها حاليًا هي الأكثر انتشارًا، ولأن بتقابلك فيها بعض التحديات، اللي غالبًا بتقرأ المقال دلوقتي علشانها.
الريل / Reel أو الفيديو القصير مش مجرد قص للفيديو وخلاص.
الريل محتوى قصير لكن لازم يكون متماسك، جذاب ومفهوم
علشان كده؛ تعالى نرتب الخطوات الأساسية اللي تخليك تطلع ريل احترافي من أي بودكاست أو فيديو طويل:
1- اسمع:
لازم تسمع وتشوف الفيديو أو البودكاست كويس.
حدد الأجزاء اللي شدت انتباهك، أو فيها معنى قوي.
دون ملاحظاتك عن المقطع أو الأفكار اللي ظهرت في عقلك.
من هنا بتبدأ في عقلك خطة مبدئية أو تصور لشكل الفيديو.
دلوقتي إحنا جاهزين نبدأ التنفيذ.
2- جملة مفيدة:
متنساش! الريل لازم يعبر عن فكرة واضحة.
حتى لو الهدف التشويق؛ مينفعش يبقى الريل مبتور أو ناقص.
اهتم بالبداية، لازم تكون واضحة وقوية، أو على الأقل مقبولة، ونحولها بالمونتاج لهوك قوي يشد المشاهد.
3- المعنى:
لازم الريل يقدم معنى، بدون كلام مقطوع، بدون حشو زائد.
ده بينقلنا للمرحلة اللي بعدها؛ مرحلة القص والاختصار.
اللي هنتعمق فيها بالتفصيل في المقال القادم إن شاء الله، من رحلتنا لصناعة فيديو احترافي.
ولو بتدور على حلول توصلك للتصميم أو الفيديو الاحترافي؛ بنرشحلك المقال المهم ده
ومتنساش إننا بنقدم لك كورس متكامل بيساعدك على احتراف صناعة الفيديو
وبياخدك في رحلة صناعة المحتوى، الأفكار والاسكريبت، التصوير، التصميمات والنشر، وطبعًا المونتاج من الصفر
تقدر تتعرف على محتوى الكورس من هنا: